初嘗分析煙蒂股--3393威勝控股

 

由於固定收益回報低落,加上快將進入加息週期,所以開始發掘港股一些煙蒂股,以代替固定收益,本人會將煙蒂股定義為:

1.      PE低於8

2.      PB低於0.8

3.      5年以上既穩定既派息

4.      息率7%以上

5.      大量流動資產和低負債

 

希望買入後有兩個結果

1.      股價長期死魚,收息過活

2.      有突然既利好消息EG:私有化,賣資產,派特別息,令股價上升,賣出獲利

 

今次既目標就係3393威勝控股,佢既主要業務一句講哂就係賣能源計量錶, 廣泛應用於電力、水務、燃氣、熱力等能源供應行業.所以有D 牽涉到依家好熱門既新能源發電.不過我地主要聚焦係佢PB 0.7.

1.      PE 方面:

截至二零二一年六月三十日止六個月,約每股賺0.13,全年大約賺0.26,以現價2.8元,超過PE8以上,唔太合格.

2.      PB 方面:

     

根據2021年中期報告(千元計)

固定資產: 2,897,428

流動資產: 9,102,330

 

其中最吸引既

而現在市值只有大約28億,所以符合煙蒂股既第2,5項

 

 

3.      派息紀錄

末期派息每股股息0.2元（HKD ）    2021-06-17      2021-06-30

末期派息每股股息0.2元（HKD ）    2020-06-22      2020-07-08

中期派息每股股息0.06元（HKD ）  2019-09-16      2019-09-27

末期派息每股股息0.2元（HKD ）    2019-05-24      2019-06-12

末期派息每股股息0.24元（HKD ）  2018-05-31      2018-06-15

末期派息每股股息0.24元（HKD ）  2017-05-23      2017-06-02

末期派息每股股息0.24元（HKD ）  2016-05-18      2016-05-27

 

一直都好穩定派息,而且息率超過7厘

 

後記:由於突然公怖與中國電力合作同埋

威胜信息：威胜控股有限公司通过威胜集团有限公司和威佳创建有限公司合计间接持有公司58.52%的股份

,導致咸魚翻生,令呢篇垃圾分析文變得更加垃圾,最終爛尾,威勝控股已不太符合煙蒂股特質,而係似E家當炒既新能源概念股,十分可惜.唯有沽出,等到股價回落至煙蒂後再次入手.最後付上交易紀錄作為個人紀錄

 

借錢投資

 

借錢投資

 

借錢,無論係電視,或者雙親教導,都係一件壞事,但其實都係指借錢消費,都係一去冇回頭果隻,但其實只要”借得好,用得好”,借錢投資可以令你既回報增加,呢度係講緊借貸利率小於投資物回報率.當然,最推薦既係買入收息產品,收到既息大過還款,就可以白賺.

 

或者大家既印象重停留係”九出十三歸”,但其實經過多年既QE,E家借貸利率已經十分低,例如:IB 既孖展息率只要1.5厘,即係借1球,一年只要萬五蚊.但今次要介紹既係當季特產--稅貸啦,咁稅貸有咩特別啲處呢???就係一般黎講稅貸呢都可以做到你

1.      月薪嘅12倍或以上啦

2.      而且還款期可以長達24個月,

3.      另外貸款嘅利率呢一般只需要一點幾厘

比喻你大約借25萬啦其實一個月只需要還大約一萬蚊多啲嘅啫, 稅貸同孖展最大既分別就係當你嘅抵押品價格下跌之後都唔會有畀人斬倉嘅風險啦.

 

如果你對於借貸仍然非常抗拒嘅話我有兩個觀點可以提供畀你哋大家可以思考:

1.      假設投資係一世都會進行,而且會不斷投入資金,將資金加入時間既考量,今天既十萬與2年後先到手既十萬有咩分別呢??就係今天既十萬可以即時投資,2年後會大於”2年後先到手既十萬”,當然呢個世上冇免費既午餐,點先可以得到”今天既十萬”而唔需要等2年先到手既十萬呢??就係付出利息,亦即係借貸投資既主意.

2.      一般黎講垃圾債息率係8厘左右,而投資債就5厘左右,風險黎講購買垃圾債係大於投資債,但其實有冇方法,想賺8厘息,又唔想冒風險呢??答案就係借貸.只需要借錢買投資債,例如:原本得廿萬,另外借廿萬,全部買哂投資債,甘總回本係幾多呢?答案係:5%+5%-1.5%(利息支出)=8.5%,就可以達到買投資債,得到垃圾債既回報.

 

風險提示

凡事冇兩面好,借貸投資亦係一把雙刃刀,雖然借貸可以桿杆你既回報,但同時會面對更多既風險.就係現金鏈斷裂,當投資物出現問題,導致冇錢還款,到時罰息就會達到十幾二十厘,絕對冇可能COVER 到,所以最後都係用政府果句,”借定唔借,還得到先好借”

聲明

本網誌所有內容、股票分享、討論、分析等只作參考用途，本人並不能確保完全正確無誤，而本人發表的意見、言論也只是個人看法，並非買賣建議或推薦，撰文時會儘量保持客觀公正，但對所持有的資產內容亦可能有較偏頗的論述。請讀者閱後自行思考、分析及評估箇中風險。

如果寫既野幫到你,歡迎贊助咖啡



interactivebrokers(IB)開戶優惠連結

https://ibkr.com/referral/waiping315

與自己官網開戶一樣,但可以免費獲得IBKR的股票

微牛開戶優惠連結

開戶送1千蚊美股

https://a.webull.hk/ok1H3JkSp9WVeDC6fj

長橋開戶優惠連結

開戶送1千蚊美股

長橋開戶

現金流第一最強投資物—債券

 

如果有人問:最好既賺現金流既投資品係咩?我應該會答債券.呢度既債券係指公司債.再準確D黎講就係經IB,購買既美國公司斬債,最低入場費只需要2千美金,而唔係銀行所銷售既最低入場費20萬美金果種.

 

優點

債券主要投資目的係收取每半年派發既債息,由於債息被分到利息,而唔係股息,所以係唔需要收取30%股息稅,而且計息係以日為單位,即係你賣出債券時,會同時收到一份債息,而呢份債息就係購買者支付,所以唔同買股票收息,要持有到除淨日先可以獲得股息.而債券係固定息率,由你購買價決定左息率,再加上必需派息,否則出現債務違約既關係.所以買債券可以有數得圍.只要選擇一D 有能力還債既公司,投資回報都很穩定.

 

缺點

由於債券波動性同收息穩定既原因,會導致債券回報較低,一般投資級債券既回報每年只有5至6%,垃圾級別既大約7至15%不等.另一方面,當真係出現債務違約跡象時,往往債價已經大跌,所以會有”好難出現,見親重傷”既特性.最後由於交易活躍度比股票低,所以買賣較難同價格差距較大.

 

個人睇法

 

雖然債券有機會輸Q哂,但其實只要分散投資同埋做足事前調查,一般都好安全,就算係2020年3月美股經歷幾次熔斷下,債券都有比股票下跌更少同恢復更快既表現.總括而言,為左達到財務自由,就需要投資一D每月有現金流而又穩定既投資物黎支付每月開支,甘岩債券具有既穩定派息特性,所以係現金流第一投資物.

聲明

本網誌所有內容、股票分享、討論、分析等只作參考用途，本人並不能確保完全正確無誤，而本人發表的意見、言論也只是個人看法，並非買賣建議或推薦，撰文時會儘量保持客觀公正，但對所持有的資產內容亦可能有較偏頗的論述。請讀者閱後自行思考、分析及評估箇中風險。

如果寫既野幫到你,歡迎贊助咖啡



interactivebrokers(IB)開戶優惠連結

https://ibkr.com/referral/waiping315

與自己官網開戶一樣,但可以免費獲得IBKR的股票

投資資歷與風格

 

投資資歷與風格

 

  資歷

此BLOG 第一篇文章,先講下投資既資歷同埋今後既投資風格.首先,投資資歷黎講,由出黎打第一份工開始已經開設左投資戶口,由於受到中學經濟老師既渲染,所以對投資有濃厚興趣,所以就算當時人工得7千蚊都會每月投入幾千蚊”交學費”.當時都係同一般老散一樣都係用”耳”投資,而唔係自己個腦,所以當遇上牛市時,自然被迫賺錢,但情況轉到熊市時,自然被迫蝕錢,大約頭幾年都係甘,資本主要靠儲蓄增值.幸好性格使然,並冇孖展同炒杆桿,並冇出現輸清光既情況,但談唔上賺錢.

 

  轉捩點

直至幾年前,開始反思投資風格,覺得整天炒炒賣賣,不但勞心勞力,而且三更貧五更富,與當初所想既唔同,更談唔上財富自由,提早退休.之後在偶然情況下,接觸到一個影響好大既BLOGGER,就係風中追風,所以開始研究現金流投資.

  現金流投資

現金流投資屬於收息投資既一種,與主動投資唔同,唔係賺取資產增值,只係收取一個利息收入.現金流投資唔限於,股票債券基金房地產REITS等等,只要每年每用有息收,我都會歸納於現金流投

資.經過最近幾年既投資組合改變,現時投資組合已經由以前,單一既港股(主要短炒),改成一藍子既收息產品.

目標

現在投資既目標已經再唔係資產增值,而係增加每月平均收到既利息,當收到既利息可以多過每月既支出,就可以初步財務自由.




聲明

本網誌所有內容、股票分享、討論、分析等只作參考用途，本人並不能確保完全正確無誤，而本人發表的意見、言論也只是個人看法，並非買賣建議或推薦，撰文時會儘量保持客觀公正，但對所持有的資產內容亦可能有較偏頗的論述。請讀者閱後自行思考、分析及評估箇中風險。

如果寫既野幫到你,歡迎贊助咖啡



interactivebrokers(IB)開戶優惠連結

https://ibkr.com/referral/waiping315

與自己官網開戶一樣,但可以免費獲得IBKR的股票